पुणे : बँकेने विविध कालावधीतील कर्जाच्या व्याजदरामध्ये (एमसीएलआर) सुसूत्रीकरण करण्याच्या उद्देशाने व्याजदर बदलले आहेत. नवीन व्याजदर सात मे २०१८पासून लागू करण्यात येणार आहेत.

कर्जाचा कालावधी आणि कंसात व्याजदर (एमसीएलआर) असा : एक दिवस (८.३० टक्के), एक महिना (८.३५ टक्के), तीन महिने (८.४५ टक्के), सहा महिने (८.५५ टक्के) आणि एक वर्ष (८.७५ टक्के).  बँकेने किरकोळ मुदत ठेवीवरील (एक कोटींपर्यंत) व्याजदर वाढविले आहेत. एक ते दोन वर्ष कालावधीच्या किरकोळ मुदत ठेवीवर (1 कोटींपर्यंत) व्याजदर आता ६.५० टक्के झाला आहे, तर दोन ते तीन वर्षे कालावधीच्या किरकोळ मुदत ठेवीवर (एक कोटींपर्यंत) व्याजदर आता ६.६० टक्के मिळेल. हा व्याजदर आधी ६.२५ टक्के होता.

बेस रेटमध्ये (आधार दर) कोणताही बदल झाला नसून तो पूर्वीप्रमाणेच ९.५० टक्के (वार्षिक) इतका कायम ठेवण्यात आलेला आहे.